ଜାନ‌କୀ ସଙ୍ଗତେ ବ‌ହୁ ବିନୋଦ

ଉଇକିପାଠାଗାର ରୁ
Jump to navigation Jump to search

ଜାନ‌କୀ ସଙ୍ଗତେ ବ‌ହୁ ବିନୋଦ
ବିଷୟ
ବିଚିତ୍ରକାମୋଦୀ

ଜାନ‌କୀ ସଙ୍ଗତେ ବ‌ହୁ ବିନୋଦ । କମଳ ଚୁମ୍ବଇ କି ଷ‌ଟପଦ ।
ରତ୍ନଭୂଷଣ ଅଙ୍ଗେ । ମୃଗୟା କରେ ରଙ୍ଗେ । ଘେନି ଜାନ‌କୀ ସଙ୍ଗେ ।
ଶ୍ରୀରାମ ପ୍ରତିଜ୍ଞା ଶୁଣି ଶ୍ରବଣେ । ଭୟେ କମ୍ପନ୍ତି ବୀର ନୃପଗଣେ ।
ତାଙ୍କ ତେଜ-ତପନ । ଦ‌ହଇ ରିପୁ-ବନ । ଶତଚନ୍ଦ୍ର ସମାନ ।
ରାମଙ୍କ ବିକ୍ରମ ଶୁଣି ରାଜନ । ଆନନ୍ଦ ହେଉଥାନ୍ତି ପ୍ରତିଦିନ ।
ବିଚାର କରେ ନିତି । ରାମ ହେବେ ନୃପତି । ସୁଖେ ପାଳିବେ କ୍ଷିତି ।
ଏମନ୍ତ ବିଚାର ନୃପତିର । ରାମ ଅଭିଷେକ ତ‌ତପର ।
ରାମ-ଚରିତରସ । ବିଶି କଲା ପୀୟୂଷ । ପ୍ରଥମକାଣ୍ତ ଶେଷ ।