ପରିଶିଷ୍ଟ - ୪
ରଥ ନିର୍ମାଣ
ପ୍ରତ୍ୟେକ ବର୍ଷ ଶ୍ରୀଗୁଣ୍ଡିଚା ଯାତ୍ରା ବା ରଥଯାତ୍ରାପାଇଁ ତିନିଗୋଟି ନୂତନ ରଥ ନିର୍ମାଣ କରାଯାଏ, କିନ୍ତୁ ତିନି ରଥର ସାରଥି, ଘୋଡ଼ା, ପାଦେବତା , କଳସ, ବ୍ରେକ୍ କାଠ ଓ ରଥର ଠେଲା ବାଡ଼ ଇତ୍ୟାଦି ପ୍ରତ୍ୟେକ ବର୍ଷ ନିର୍ମାଣ କରାଯାଏ ନାହିଁ । ଯେଉଁ ବର୍ଷ ନବକଳେବର ପଡ଼େ, ସେହି ବର୍ଷ ରଥ ନିର୍ମାଣ ବେଳେ ଏ ସମସ୍ତ ନିର୍ମାଣ ହୁଏ ।
ଓଡ଼ିଶା ସରକାରଙ୍କ ଜଙ୍ଗଲ ବିଭାଗ ରଥ ନିର୍ମାଣପାଇଁ ସମସ୍ତ କାଠ ବିନା ମୂଲ୍ୟରେ ଶ୍ରୀମନ୍ଦିର ପ୍ରଶାସନକୁ ଯୋଗାଇ ଦିଅନ୍ତି । ପୂର୍ବେ ପୁରୀ ରାଜାଙ୍କ ଅମଳରେ ଦଶପଲ୍ଲା ରାଜା ପରମ୍ପରା ଅନୁସାରେ କାଠ ଯୋଗାଇ ଦେଉଥିଲେ । ନୟାଗଡ଼ ଡି. ଏଫ୍. ଓ ରଥ ନିର୍ମାଣପାଇଁ ନିମ୍ନମତେ ନିର୍ଦ୍ଧାରିତ ମାପର ଶୁଖିଲା ବା ସିଜିଣ୍ଡ କାଠ ଯୋଗାଉଛନ୍ତି । କାଠ କାଟିବା ଓ ପରିବହନ ଖର୍ଚ୍ଚ ସେ ବହନ କରନ୍ତି ।
କାଠର ନାମ | ଉଦ୍ଦେଶ୍ୟ | ମାପ | ସଂଖ୍ୟା |
ଫାଶି | ରଥର ତୁମ୍ଭ ନିର୍ମାଣ ପାଇଁ | ୬ ଫୁଟ ଗୋଲାଇX | ୨୨ |
ଉଦାହରଣ | ଉଦାହରଣ | ୯ ଫୁଟ ଲମ୍ବା | |
ଧଉରା | ଦଣ୍ଡା ଓ ଅଖ ପାଇଁ | (୩'x୪୦')ଉଦାହରଣ | ୫୦ |
ଫାଶି | ପଇ ପାଇଁ | (୪X୧୨') | ୫୦ |
ଆସନ | ଗୟଳ ପାଇଁ | (୩'X୧୦') | ୩୧୨ |
ଧଉରା ଓ ଆସନ | ଅରମୁଣ୍ଡି ପାଇଁ | (୩'X୧୨') | ୪୨୮ |
ମୋଟ | ୮୬୨ |
ସାଧାରଣତଃ ପ୍ରତି ବର୍ଷ ନିର୍ଦ୍ଧାରିତ ସଂଖ୍ୟାଠାରୁ କିଛି ଅଧିକ କାଠ ଆସିଥାଏ ଓ ମାପରେ ମଧ୍ୟ ଫରକ ଥାଏ । କେତେ ବର୍ଷ ତଳେ କିଛି ଫାଶି କାଠ ଅନୁଗୁଳ ଜଙ୍ଗଲରୁ ଅଣାଯାଇଥିଲା । ଆବଶ୍ୟକ ସଂଖ୍ୟକ ଫାଶି କାଠ ନୟାଗଡ଼ ବନାଞ୍ଚଳରେ ମିଳୁନଥିବାରୁ ଅନ୍ୟାନ୍ୟ ବନାଞ୍ଚଳରୁ ଯୋଗାଡ଼କରି ଓ ଦାନସୂତ୍ରରେ ବ୍ୟକ୍ତି ବିଶେଷଙ୍କଠାରୁ ଅଣାଯାଉଅଛି ।