ସରିବ କି ଏ ନିଶି ଗୋ

ଉଇକିପାଠାଗାର‌ରୁ
Jump to navigation Jump to search
ସରିବ କି ଏ ନିଶି ଗୋ ଲେଖକ/କବି: ବନମାଳୀ ଦାସ
ସରିବ କି ଏ ନିଶି ଗୋ

ସରିବ କି ଏ ନିଶି ଗୋ

ସରିବ କି ଏ ନିଶି ଗୋ ନାଗର ମୋହନ ବିନା । ଘୋଷା ।

କଣ୍ଟ ଦେଇ ବେଣୁଧାରୀ ନଇଲେ ମୋ କୁଞ୍ଜପୁରୀ,
କେ ସହିବ ମାର ବେଦନା । ୧ ।

ସଖୀ ମୁଁ ଯୋଡ଼ୁଛି କର ଏଥକୁ ଉପାୟ କର,
ଦୂର ହେବ ସନ୍ତାପ କିନା । ୨ ।

ସକଳ କଲା ଅନ୍ଧାର ପ୍ରଖର ମଦନଶର,
ଘନଶ୍ୟାମ ଅନାଉଁ କିନା । ୩ ।

ଅସନ ମଣିଲି ବିଷ ଗରୁ ହେଲା ଝୀନବାସ,
କୃଷ୍ଣ କୃଷ୍ଣ ବୋଲି ଜପେ ନା । ୪ ।

ଶ୍ରୀମତୀ ବିଳାପ ଜାଣି ମିଳିଲେ ସେ ବେଣୁପାଣି,
ବନମାଳୀ କରେ ଭାବନା । ୫ ।