କିଶୋରଚନ୍ଦ୍ରାନନ୍ଦ ଚମ୍ପୂ/ଣ ଚମ୍ପୂ

ଉଇକିପାଠାଗାର ରୁ
Jump to navigation Jump to search
କିଶୋରଚନ୍ଦ୍ରାନନ୍ଦ ଚମ୍ପୂ ଲେଖକ/କବି: ବଳଦେବ ରଥ
ଣ ଚମ୍ପୂ

ଣ ଚମ୍ପୂ
(ରାଗ: ସୋମ)
(ମତାନ୍ତରରେ ଖମ୍ବାଜ, ଝିଂଝୋଟି)

ଅତସୀକୁସୁମ ସମ ଶ୍ୟାମ ହେ ମୁଁ ଗଲିଟି।ପଦ।

ଅଳି ତୁମ୍ଭର ନିବିଡ଼, ଅସହିଷ୍ଣୁ ସେ ଯେ ବଡ଼,
ଅବଶ୍ୟ ତ ଛାମୁରେ ମୁଁ ନିବେଦନ କଲିଟି ।୧।

ଅଧ ଅଧରରେ ସ୍ମିତ, ଉଲ୍ଲସି ହେଲେ ଲଜ୍ଜିତ,
ଊହିବି ଏହିଟି ବୋଲି କୃପକଳ୍ପବଲ୍ଲୀଟି ।୨।

ଆରକତ କଲେ ମୁଖ, ଅଖଣ୍ଡ ସୁଧାମୟୂଖ,
ଆବୁର ସରିବି ମୋର ଜୀଇଲେ ହେଁ ମଲିଟି ।୩।

ଅଦୃଷ୍ଟବଳୁଁ କିଶୋରୀ, ଅଙ୍ଗୀକାର କଲେ ସରି,
ଅଭାବେ ଉଚ୍ଛନ୍ନ ହେବ ଏ ବଲ୍ଲବପଲ୍ଲୀଟି ।୪।

ଉଗ୍ରନିର୍ଦ୍ଦେଶ ନୃପର, ଉପବନ ଗୋପପୁର,
ଆଶ୍ରୟ ନୋହିବ ଗୋବର୍ଦ୍ଧନଗିରିଦରିଟି ।୫।

ଅଷ୍ଟଦୁର୍ଗନାଥ ଭାଷେ, ଆହା ଧ୍ୟାନେ କି ଶୋଭା ସେ,
ଅଖିଳ ଜନନୀ ନାସା ମୃଗମଦକଲିଟି ।୬।

ଅଧିକ ପଠନ[ସମ୍ପାଦନା]